2006 оны Топ 10-н Блог бичигч:
Блог бичигчид маань олширсоор сүүлийн хэдхэн сарын дотор басчгүй нэлээд хэдэн зуу хүрсэн байж мэдэхээр болоод явчлаа шүү. Тэгээд би нэг талаас их сонирхолтой, нөгөө талаас шинэковуудад ямар блогчинг эхлээд унших вэ гэдэгт нь зөвлөмж маягтайгаар туслая гэж бодоод “Олны таашаалд нийцээд байгаа блогчдоос шилдэг 10”-г нь шалгаруулаад дараа нь тэдгээр 10-аас хамгийн топ нь хэн бэ гэдгийг тодруулж үзье. Та яг одоо “Олны таашаалд нийцсэн шилдэг 10н блогчин” –д хэн хэнийг нэр дэвшүүлмээр байгаагаа миний энэ бичлэгийн доор сэтгэгдэл хэлбэрээр бичиж үлдээнэ үү.
Бяцхан Дүрэм:
1. Зөвхөн бүртгэлтэй хэрэглэгчдээс ирсэн саналыг л тооцьё. Учир нь “галзуу бичдэг” олон блогчин байдаг бөгөөд кайф авчдаг олон фэнүүд нь санал асуулгын дүнд маань дахин дахин өгч буруу нөлөө үзүүлчих вий гэж бодлоо.
2. Нэр дэвшүүлж буй 10 хүртэлх нэрээ хамгийн мундагаас нь эхлээд доош нь цувуулаад, бас урд нь тоогоор дугаарлалгүй шууд блог бичдэг нэрийг нь блогийн хаягтай нь хамт байрлуулаарай. Дараа нь блогчдыг байр эзлүүлэхэд хялбар, бас тэр блогчны блог хаягийг олж тавихад будилахгүй гэх зэргээс үүдэлтэй ийм 2 дүрэм баримтлахыг анхаараарай.
За ингээд эхлэцгээе. Танд хамгийн их таалагдсан 10 блогчин хэн бэ? долооногын дараа дүнг гаргана. Хамгийн мундаг блогчинг дээр нь бичихээ мартваа...
1 comment:
Сайн байна уу, та бүхэн анги хамт олноороо ийнхүү блог бичиж эхэлцгээж байгаа чинь надад их сайхан санагдлаа. Та бүхний хичээл сурлагт чинь амжилт хүсье. Блог бол зөвхөн нэг үг, өгүүлбэр, өгүүллэг төдий биш хол байгаа хүмүүсийг холбогч гүүр, мэдээллэл, үзэл бодлын их солилцоо билээ. Та бүхний блогийг өөрийн блогийн холбоосондоо нэмсэн.
Токиогоос Хишгээ
Post a Comment